نقسم الدبيحه ل ٣ اجزاء وهى :
اولا : الرأس و فيها (مخ - لحمه راس - لسان)
ثانيا : انواع اللحوم
الرقبه (لحمه دوش)
لحمه سن __ عرق الفلتو _ الروزبيف - الانتركوت عمودالفخده التربيانكو - وش الفخده - الموزه - اللوحة - الريش
ثالثا: اللي جوه الدبيحه
القلب

الكبده
الكلاوي
الفشه
المنديل
الامعاء الدقيقه(السجق)
الامعاء الغليظه (الممبار)
الذيل (العكاوي)

الكوارع
ودلوقتى نقول عن انسب الطرق للطبخ ومبدئياً كده ان كل ما صغر سن الدبيحه كل ماكان لحمها اطري وطعمها احلى
اولا : الرقبه والدوش
والحتة دي من اللحمة بتتميز انها تنفع للخضار والمفروم للكفتة والبرجر وتستخدم في الطبيخ المسبك وطعمها لذيذ
ثانيا: (لحمه السن)الجزء ده بيختلف تماما عن الدوش
لانها طريه جدا وتستخدم في السلق ومع الخضار
ثالثا: عرق الفلتو وده اطري قطعه لحمه في العجل كله

وتستخدم في السلق والشوي لكن لاتستخدم في الاسكالوب
لان انسجتها ضعيفه ولو اندقت هتفك من بعضها
رابعا: الروزبيف و دي من النوعيات الطريه جدابس هي اشد من الفلتو شويه وممن يتعمل منها الاسكالوب يعني تتحمل الدق عشان الانسجه تتفرد
خامسا : والجزء ده مشترك بين عمود الفلتو والروزبيف وهو بيبقي عباره عن عضمه علي شكل حرف الt ( تي بون ) وبيستخدم في الشوي
سادسا: التربيانكو
وده معروف بعمود اللحم البارد وبيستخدم طبعا في عمل اللحمه البارده
سابعا : وش الفخده

وده الجزء الوحيد اللي ممكن يطلع منه الاسكالوب لانه طري جدا ويستخدم للاستيك بانواعه وكمان ممكن يستخدم لكباب الحله
ثامنا : الموزه
وهي بتبقي ملبسه بالدهن الخفيف و برضه بتستخدم في السلق
اما الكوستليتا هي جزء من الريش و بتكون لحمة ناعمة و مناسبة لوصفات : اليخني و الخضار
و السمانة بتكون لحمة حمراء دهونها قليلة و مناسبة لوصفات : الاسكالوب و كباب الحلة
وصباع السمانة عبارة عن عضلة بتكون لحمة ناعمة و مناسبة لوصفات : الروستو في الفرن أو صينية
و الكولاتة وهي الجزء الذي يسبق المؤخرة والفخدة مباشرة وتستخدم كشرائح للشوي او في السلق والشوربة و الطبخ