أرز ريزو بالصوص الحار مع تشيكن ستربس
(على طريقة كنتاكي KFC)

مكونات تتبيلة الاستربس

ملعقه صغيره بابريكا
نصف ملعقه صغيره زنجبيل بودره
فلفل اسود
ملح

ملعقه كبيره بصل بودر
ملعقه صغيره توم بودر
2 كيس مرقه دجاج بودر
3 بياض بيض مخفوق
لبن رايب أو زبادي وماء ( الكميه حسب كمية الدقيق )

مكونات الاستربس

للستربس هتجيبي صدر كامل مش متقطع شرايح خالي من العضم وتبتدي تقطعيه صوابع طويله
طبقين من الدقيق (والكميه الدقيق تقديريه علي حسب كميه الفراخ اللي هتعمليها)

الطريقة

اول طبق (دقيق التغليف) وده هنحط على الدقيق مكونات التتبيلة وتخلط جيداً بالمضرب اليدوي ونخفق لغايه لما يبقى قوامه زى الكيك ( تقيل ) بحيث يمسك علي الفرخه وميقعش منها ويوضع بيه الفراخ وتقلب وتغطى وتترك فى الثلاجه ليله.
ثانى طبق 2 كوب دقيق يوضع فى كيس ثلاجة كبير (خليط الدقيق للتحمير) وده هنحط على الدقيق 4 أكياس مرقة دجاج بودر وكوب نشا وكيس بيكنج بودر وملح ورشه صغيرة جداً بدره زعفران.

خطوات الطبخ

اول حاجه هنطلع الفراخ في خليط الدقيق السائل وبعد كده هنحطها في دقيق التغليف داخل كيس ويغلق ويرج بشكل عشوائي دخل الكيس بحيث تتغلف الفراخ كويس وننفضها من الدقيق الزايد.

وفي زيت غزيرر مسخن مسبقا هنحط قطع الفراخ ونهدي النار ومنقلبش نهائي غير لما نتأكد من ان الجهه الملامسه للطاسه بقت لونها دهبي نطلعها على منديل مطبخ.
الأرز الريزو

المقادير

2 كوب رز مصري مغسول ومصفى
2 مكعب ماجي
2 ملعقة سكر مكرمل

بصله مقطعه مكعبات صغيره جدا ( ناعمه )
رشه صغيرة توم بودر
ملعقة صغيرة كاري
ملعقة صغيرة بابريكا
ملح
زبده على زيت
ماء ساخن أو شوية فراخ ساخنه

الطريقة

هنحط الزبده والزيت في الحله ونحط البصله ونشوحها ويدوب تدبل وتصفر قليل وبعدين ننزل بالتوابل والماجي وبعدين ننزل بالرز ويقلب حتى يسخن ونضيف الشوربة السخنه والسكر المكرمل وتظبطي ملحه ويقلب ويترك يغلى ونهدى النار وتسيبيه يستوي.
الصوص اللي علي أرز الريزو ( كاتشب + باربكيو صوص أو صويا صوص+ هوت صوص)

الطريقة

حطي معلقه من كل نوع أو علي حسب واخلطيهم علي بعض وهيكون معاكي احلي صوص.

طريقة تحضير الطبق للتقديم

نغرف الأرز فى طبق التقديم ويوضع على وجهه الاستربس ويزين بالصوص الحار