المكونات :

كيس مكرونه اسباجيتي او فيتوتشيني
نص كيلو صدرو فراخ متقطعه شاورما
فلفل الوان
بصله مربعات
ملح وفلفل
بابريكا

توم و بصل بودر
رشة كاري
رشة قرفه
زيتون شرايح ( حسب الرغبه )
موتزريلا
زيت

مكونات البشاميل :

لتر و نص لبن
٤ معالق كبار دقيق
مكعب زبده
ملح و فلفل
رشة جوزة الطيب

الطريقه :

هنسلق المكرونه في ميه مغليه فيها ملح و مكعب مرقه لمدة ٨ دقايق و نصفيها و نسيبها على جمب .
في ووك او طاسه على النار هنحط معلقتين زيت و ننزل البصل نشوحه لحد ما يدبل و بعدين نضيف الفلفل الألوان و نقلب و ننزل الفراخ و الملح و التوابل و لما تستوي نطفي و نضيف الزيتون .
هنقلب اللبن مع الدقيق على البارد و بعدين نرفعه على النار مع التقليب المستمر لحد ما يتقل و بعدين نضيف الزبده و الملح و الفلفل و نقلب و نطفي عليه و ممكن نضيف كريمه او قشطه حسب الرغبه.

طريقة الطاجن :

هنجيب بايركس مدهون زبده و نقلب نص كمية البشاميل مع نص المكرونه و نحطها في البايركس و بعدين نوزع الفراخ و عليها باقي المكرونه و نضيف باقي كمية البشاميل و نوزع الموتزريلا .

التسويه :

هندخل الطاجن فرن سخن على درجة حراره ٢٠٠ لمدة ربع ساعه و تكون الشوايه والعه لحد ما ياخد لون و نطلعها نقدمها بالهنا و الشفا .