شاورما اللحم في المنزل

المقادير:

مقادير الشوارما:
لحم طريفات طويلة
نص حامضة صغيرة معصورة
كتشاب ملعقة كبيرة
موطارد ملعقة كبيرة

ملح بزار تحميرة هيل او قعقلة تلات حبات قرنفل جوجوريقات سيدنا موسى شوية ديال الكمون ،شوية ديال القرفة ، قزبر حبوب
عصير نصف برتقالة و شوية ديال القشرة محكوكة
دانون مسوس
بصلة مقطعة شرائح
الحشوة :
زيتون اخضر خيار مخلل شرائح خس طماطم مقطعة شرائح الفرماج

الطريقة:

نقطعو اللحم لاصابع رقيقة باش تسهل علينا الطياب
فشي سوبيرة نخلطو دوك العناصر كلها اللي تخلينا نديروه بحال ترقيدة نحطو فيه اللحم على الاقل ساعة باش يرطاب و يشرب ترقيدة يعني ممكن تخليه حتا نهار كامل و الغد ليه خدم بيه
فاش نبغيو نطيبوه نديرو مقلة و نشحرو البصل هو اللول عاد نحطو اللحم نخليه كايطيب على نار مهيلة حتا يشرب المرق ديالو و يولي ناشف
فخبزة ديال شوارما راه كاتباع عند مخبزات و سوبر مارشيات تفرشو المايونيز شوية الخس طماطم و الكورنيشون و تحطو الشوارما و تلفوا الخبز و هاهي الشوارما عندكم فالدار.